Avropa İttifaqı ABŞ-ni Moskvaya qarşı yeni sanksiyaları elan etməyə sövq etməzdən əvvəl Ukrayna prezidenti Vladimir Zelenski ilə Rusiya prezidenti Vladimir Putin arasında mayın 15-də Türkiyədə mümkün görüşünü gözləyir...
Poliqon xəbər verir ki, bu barədə Bloomberg Agentliyi vəziyyətlə tanış olan mənbələrə istinadən məlumat yayıb.
Nəşrin mənbələrinə görə, Amerika tərəfi Vladimir Putinə təzyiqi artırmazdan əvvəl cümə axşamı Rusiya və Ukrayna arasında danışıqlara imkan yaratmaq istəyir.
Mənbələr əlavə edib ki, Vladimir Putin Vladimir Zelenski ilə görüşdən imtina edərsə və ya Rusiya cümə axşamı günü dərhal və qeyd-şərtsiz atəşkəslə razılaşmasa, Aİ prezident Donald Trampı Moskvaya qarşı sanksiyalar tətbiq etmək hədəsinə əməl etməyə çağıracaq.
Xatırladaq ki, Rusiya prezidenti Ukraynaya birbaşa danışıqları mayın 15-də İstanbulda bərpa etməyi təklif edib. Ukrayna prezidenti Vladimir Zelenski birbaşa danışıqlara hazır olduğunu bildirib. Türkiyə prezidenti Rəcəb Tayyib Ərdoğan Türkiyə hakimiyyətinin danışıqları təşkil etməyə hazır olduğunu qeyd edib və münaqişənin həlli üçün fürsəti əldən verməməyə çağırıb.
Poliqon.info
