BAKI, TurkicWorld
Sibirdə 600 min hektar ərazidə meşə yanğınları davam edir
TurkicWorld xəbər verir ki, Rusiyanın Şərqi Sibirdə yerləşən Zabaykal vilayətinin Çita bölgəsində meşə yanğınlarının qarşısını almaq üçün genişmiqyaslı tədbirlər görülür.
Fövqəladə Hallar Nazirliyi havadan və qurudan söndürmə və soyutma işlərini davam etdirir.
Son məlumatlara görə, Monqolustanla sərhədə yaxın 49 fərqli nöqtədə ümumilikdə 600 min hektar ərazidə alov hələ də nəzarət altına alına bilməyib. Yanğınlara qarşı mübarizə tədbirlərinin gücləndirilməsinə baxmayaraq, bölgədəki çətin relyef və hava şəraiti söndürmə işlərini çətinləşdirir.
Qeyd edək ki, 2025-ci ilin əvvəlindən etibarən ümumilikdə 1,4 milyon hektar ərazi meşə yanğınlarından zərər çəkib. Rusiya rəsmiləri bölgədə fövqəladə vəziyyət rejiminin tətbiq oluna biləcəyini istisna etmir.
