ABŞ dövlət katibi Marko Rubio Ukraynaya hərbi yardımın dayandırılmadığını bildirib. Vaşinqton Konqres tərəfindən artıq razılaşdırılmış tədarükləri həyata keçirməyə davam edir, lakin digər yardım paketləri üçün vəsait tələb etmək barədə hələ qərar verilməyib: “Bu proqram ləğv edilməyib.
Onlar silah almağa davam edirlər,” – Marko Rubio Senatdakı dinləmələrdə deyib. “Ağ Ev Konqresdən əlavə maliyyə tələb edib-etməmək barədə qərar verməli olacaq. Amma Konqresin təsdiq etdiyi və ayırdığı hər şey göndərilməkdə davam edir”, – ABŞ dövlət katibi vurğulayıb.
Ukrayna hakimiyyəti Bayden administrasiyası tərəfindən təsdiqlənmiş yardımların çatdırılmasının 2025-ci ilin yayında başa çatacağını bildirib. Vladimir Zelenskinin ofisi iddia edib ki, yeni yardım paketləri məsələsi hələ Vaşinqtonla müzakirə edilməyib. “Bild” nəşri yazır ki, Ukraynaya hərbi yardımın dayandırılması Rusiyanın atəşkəs üçün israr etdiyi şərtlərdən biridir.
//Samir Qurbanov, Editor.az
