Ajans.az xəbər verir ki, Hindistan Silahlı Qüvvələri zərbələrin mayın 8-dən 9-na keçən gecə Pakistanın Cammu, Kəşmir və Pəncabın bir sıra şəhərlərinə pilotsuz təyyarələrlə uğursuz hücum cəhdlərinə cavab olaraq həyata keçirildiyini vurğulayıb. “Hindistan Ordusu terror obyektlərinə koordinasiyalı atəş hücumu həyata keçirərək, onları məhv edib”, - məlumatda deyilir. Hesabatda, Nəzarət Xəttinin yaxınlığında yerləşən terror obyektlərinin keçmişdə Hindistan vətəndaşlarına və təhlükəsizlik qüvvələrinə qarşı hücumların planlaşdırılması və həyata keçirilməsi üçün mərkəz olduğu iddia edilib. Xarici mətbuatın verdiyi məlumata görə, daha əvvəl Hindistan Hərbi Hava Qüvvələrinin qanad komandiri Viomika Sinq bildirib ki, Pakistan sərhədə qoşun yeridir ki, bu da münaqişəni daha da gərginləşdirmək məqsədi ilə hücum niyyətindən xəbər verir. Qeyd olunub ki, Hindistan Silahlı Qüvvələri yüksək döyüş hazırlığı səviyyəsində qalır. Bütün düşmənçilik hərəkətləri effektiv şəkildə yatırılıb və onlara müvafiq cavab verilib.
