Hindistan və Pakistan may ayının sonuna qədər qüvvələrini münaqişədən əvvəlki mövqelərə çəkməyə razılaşıblar.
Bu barədə Pakistanın yüksək rütbəli təhlükəsizlik rəsmisi AFP-yə açıqlamasında bildirib.
Lakin Pakistan rəsmisi qoşunların konkret hansı tarixdə mövqelərinə çəkiləcəyini açıqlamayıb.
Xatırladaq ki, aprelin 22-də Cammu və Kəşmirdə silahlılar 26 turisti güllələdikdən sonra Hindistan buna görə Pakistan hakimiyyətini günahlandırıb və mayın 6-da "Sindur" əməliyyatına başlayıb. Tərəflər mayın 10-da atəşkəs barədə razılığa gəliblər.
