Bu gün Misli Premyer Liqasının 36-cı turunun "Qarabağ" - "Kəpəz" oyunundan (3:0) sonra mükafatlandırılma mərasimi keçirilib.
QOL.az xəbər verir ki, "Azersun Arena"da təşkil edilən mərasimdə AFFA və PFL rəhbərliyi tərəfindən çempionluq kuboku və qızıl medallar komandaya təqdim edilib.
Qeyd edək ki, "Zirə" mövsümü gümüş, "Araz-Naxçıvan" isə bürünc medalçı kimi bitirib.
Xatırladaq ki, "Qarabağ" tarixində 12-ci dəfə çempionluq kubokunu başı üzərinə qaldırıb.
