Dünya bazarında "Azeri Light" markalı Azərbaycan neftinin 1 barelinin qiyməti 0,65 ABŞ dolları və ya 0,94 % artaraq 69,99 ABŞ dollarına çatıb.
Bu barədə Far.Az-ə neft bazarındakı mənbə məlumat verib.
Eyni zamanda, "Brent" markalı neftin iyun ayı üzrə fyuçerslərinin qiyməti hərracların nəticəsinə əsasən 68,99 ABŞ dolları olub.
Türkiyənin Ceyhan limanında FOB bazasında "Azeri Light" markalı neftin bir barelinin qiyməti isə 0,71 dollar və ya 1,05 % artaraq 68,25 ABŞ dolları təşkil edib.
Qeyd edək ki, Azərbaycanın 2025-ci il dövlət büdcəsində neftin bir barelinin orta qiyməti 70 ABŞ dolları nəzərdə tutulub.
Xatırladaq ki, "Azeri Light" neftinin indiyədək ən aşağı qiyməti 2020-ci il aprelin 21-də - 15,81 dollar, ən yüksək qiyməti isə 2008-ci ilin iyulunda - 149,66 dollar səviyyəsində qeydə alınıb.
Azərbaycanda neft hasilatı əsasən "Azəri-Çıraq-Günəşli" (AÇG) yataqlar bloku çərçivəsində həyata keçirilir. Bu layihədə Azərbaycan Dövlət Neft Şirkəti SOCAR-ın payı 31,65 % təşkil edir.
